Mütəxəssislər

Yaddaş kollektivi

Bizi daha yaxından tanıyın.

Mətanət Həsənova

Mətanət Həsənova

Mətanət Həsənova - "Riyaziyyat gücləndirmə" təlimçisidir. 2009-2013-cü illərdə Bakı Dövlət Universitetinin "Kimya mühəndisliyi" ixtisasının bakalavr dərəcəsi üzrə təhsil almışdır. 2015-2016-cı illərdə "Baolan" MMC mərkəzinin kadrlar şöbəsində Menecer vəzifəsində çalışmışdır. 2017-2018-ci illər ərzində "Mini-Lisey" təlim mərkəzində Riyaziyyat müəllimi olaraq fəaliyyət göstərmişdir. 2018-2019-cu illərdə "Cırtdan" təlim mərkəzində Müdir Müavini olaraq çalışmışdır. 2019-cu ilin fevral ayından etibarən "Yaddaş Fərdi İnkişaf mərkəzi"ndə "Riyaziyyat Gücləndirmə" təlimçisi olaraq fəaliyyət göstərir.

Ülkər Məhərrəmova

Ülkər Məhərrəmova

Ülkər Məhərrəmova - "Yaddaş İnkişaf mərkəzi"nin və "Ailə Qadın Uşaq Problemləri" üzrə dövlət komitəsinin psixoloqudur. Nəsrəddin Tusi adına Azərbaycan Dövlət Pedaqoji Universitetinin "Pedaqogika və Psixologiya" fakultəsi məzunudur. Xətai rayonu "Körpələr Evi " uşaq bağçasında tərbiyəçi olaraq iş fəaliyyətinə başlamışdır. Daha sonra Göyçay şəhər orta məktəbində məktəb psixoloqu olaraq çalışmışdır. "Psixoloq Azərbaycan" şirkətində yeniyetmələr və yetkinlər üzrə psixoloq kimi fəaliyyət göstərmişdir. 2012-ci ildən indiyə qədər "Ailə Qadın Uşaq Problemləri" üzrə dövlət komitəsinin və 2016-cı ilin oktyabrından "Yaddaş İnkişaf mərkəzi"nin psixoloqu vəzifəsində çalışır. 2015 - ci ildə "İlin psixoloqu" adına layiq görülmüşdür. 18-20.07.2012 - ci ildə "Project Cycle Management" təlimində iştirak etmişdir. 12.11.2015-19.11.2015 - ci ildə Mega Hafıza Azərbaycan'da "Ağıl və Zəka Eğitmen eğitimi" təlimini almışdır. 20.10.2015-20.01.2016-cı illərdə "Klinik Ailə və Uşaq Psixoanaliz" master klasında iştirak etmişdir.Eyni zamanda 19.08.2017 - ci ildə "Uşaq şəkillərinin analizi" və "Bir insan çək" seminarlarında uğurla çıxış etmişdir. 05.05.2017-ci ildə "Rasional Emosional və Koqnitiv Davranış Terapiyası" , 24.09.2017-ci ildə isə "Humanistisches Psychodrama" seminarlarında iştirak etmişdir. 2-3 mart 2017-ci il tarixlərində "The structure of psychological consultation process confucted with families" , "Sexual education and sexual abuse in children", "Game therapy for children with special needs" , " Mental retardation and reflexology therapy" silsilə təlimlərində uğurla iştirak edib,sertifikat əldə etmişdir. 20-21.01.2018-ci ildə "The gift of Dyslexia-Ronald Davis method" təlimində iştirak etmişdir.

Aytəkin Əsgərova

Aytəkin Əsgərova

Aytəkin Əsgərova - Yaddaş Fərdi İnkişaf Mərkəzinin rəhbəri ,öyrənmə problemləri və "Yaddaş texnikaları" üzrə peşəkar təlimçi,həmçinin erkən inkişaf mütəxəssisidir. 

Nəsrəddin Tusi adına Azərbaycan Dövlət Pedaqoji Universitetinin məzunudur. 2012- 2016-cı illər ərzində “Kayra  fərdi inkişaf mərkəzi”ndə, “Mega Hafıza -Azərbaycan” şirkətində Uzman Eğitmen olaraq fəaliyyət göstərmişdir.2016-2018-ci illərdə Qlobal Təhsil Fəaliyyətinə Dəstək mərkəzində çalışmışdır.2018- ci ildən etibarən “Yaddaş inkişaf mərkəzi”nin həm təsisçisi,həm də təlimçisidir.Hal-hazırda “Sürətli oxuma” , “Yaddaş texnikaları”  ,”Təlimçi təlimləri”, “Zehni riyaziyyat”, “Oxuma gücləndirmə”, “Beyin xəritələri” ,”Yaddaş məntiq və düşünmə”  təlimlərini verir. Azərbaycanda ilk dəfə “Oxuma Gücləndirmə” təlim proqramını işləyib hazırlamışdır. 

     Dünya Yaddaş Çempionu, Memoriad Olimpiadasının rəhbəri Melik Safi Duyardan “Hızlı Okuma”, “Beyni Etkin Kullanma” , “Mega İnovasyon-Asit yaratıcı Düşünme Teknikleri” təlimlərini , Uzman-Master eğitmen Deyyan Altınsoydan “Beyin Haritaları”, “Akıl ve Zeka Oyunları Eğitimci Eğitimi” , “Mega Aritmetik”  və digər təlimləri almışdır. Eyni zamanda 2016-cı ildə “A.Bessenov  inkişaf mərkəzi” tərəfindən fərqli təlimlər almışdır. Müəyyən zaman aralığında fərqli Universitetlərin Tələbə Gənclər Təşkilatları üçün silsilə seminar və təlimlər vermişdir. Yeni Azərbaycan Partiyasının təşkilatçılığı ilə keçirilmiş "Sürətli Oxuma" və "Vaxta qənaət,kitaba məhəbbət" layihəsində təlimçi olaraq iştirak etmişdir. 2016-cı ildə  Azərbaycan Dövlət Pedaqoji Universitetinin “Sabah” qrupları üçün “Sürətli Oxuma” təlimini vermişdir. 

Aydan Vəkilxanlı

Aydan Vəkilxanlı

Aydan Vəkilxanlı - "Yaddaş texnikaları ilə İngilis dili" və "Yaddaş-Paritmetik hesablama" ,"Yaddaş - məntiq və düşünmə" təlimçisidir. 2011-2016-cı illərdə Azərbaycan Dillər Universitetinin "Xarici dil müəllimliyi" ixtisasının bakalavr dərəcəsini bitirmişdir. 2016-2018-ci illərdə Odlar Yurdu Universitetinin "Xarici dilin tədrisi metodu və metdologiyası" ixtisasının magistr dərəcəsini bitirmişdir. 2013-2014-cü illərdə "Baku Education İnformation Center" təlim mərkəzində İngilis dili müəllimi olaraq fəaliyyət göstərmişdir.2014-2018-ci illər ərzində "Mega Hafıza Azərbaycan" mərkəzində çalışmışdır.2018-ci ilin oktyabr ayından etibarən "Yaddaş Fərdi İnkişaf mərkəzi"ndə təlimçi kimi fəaliyyət göstərir.

Uzman-Master eğitmen Deyyan Altınsoydan "Mega Aritmetik", "Ağıl və zəka oyunları Təlimçi Təlimi", "Beyin xəritələri", "Yaddaş texnikaları" , "Sürətli Oxuma" , "Yaddaş texnikaları ilə İngilis dili" təlimlərini almışdır.Həmçinin beynəlxalq səviyyəli təlim və seminarlarda,ITTI - International TEFL Training Institute tərəfindən keçirilən seminarlarda ,həmçinin "Baku American Center" tərəfindən təşkil olunmuş webinarlarda müvəffəqiyyətlə iştirak edərək sertifikat əldə etmişdir.